Kremlini: Lituania në shënjestër nëse instalon armë bërthamore

Kremlini ka paralajmëruar Lituaninë se do të jetë në shënjestër të armëve bërthamore ruse nëse vendi baltik, anëtar i NATO-s dhe fqinj i Rusisë, lejon vendosjen e kokave bërthamore nga arsenalet e aleatëve në territorin e tij. Zëdhënësi i Kremlinit, Dmitry Peskov, deklaroi se nëse armë të tilla vendosen dhe drejtohen kundër Rusisë, atëherë territori i Lituanisë do të jetë objektiv i armëve ruse.

Peskov e cilësoi mbërritjen e mundshme të armëve bërthamore në Lituani si një pikë kthese serioze në përshkallëzimin e tensioneve, në një intervistë për televizionin shtetëror rus të publikuar sot. Lituania po shqyrton heqjen e ndalimit kushtetues për ruajtjen e armëve bërthamore, një lëvizje që synon forcimin e sigurisë pas pushtimit të Ukrainës nga Rusia. Amendamenti kërkon mbështetjen e dy të tretave të Parlamentit lituanez dhe ka përkrahjen e presidentit dhe partive kryesore politike, me mundësi hyrjeje në fuqi këtë dimër.

Presidenti lituanez Gitanas Nausëda kishte shprehur më herët dëshirën e vendit për t'u bashkuar me pengesën bërthamore të Perëndimit kundër Moskës.