Punëtorët teknikë të shkollave fillore në Prishtinë nisin grevë për pagat
Komuna e Prishtinës ka deklaruar se pagat do të transferohen më së largu deri më 3 gusht 2026.
Redaksia ZHURMA · · Përditësuar · 1 min lexim
PRISHTINË — Federata Sindikale e Punëtorëve Teknik të Sektorit Privat njoftoi se punëtorët teknikë të shkollave fillore në Prishtinë do të hyjnë në grevë për shkak të pagave të pashpaguara për muajin qershor. Vendimi u mor në takim me shoqatat sindikale të kësaj kategorie.
Nga dita e nesërme, punëtorët do të ndërpresin shërbimet në shkolla dhe do të qëndrojnë në grevë derisa pagat e qershorit të realizohen, njofton Federata Sindikale.
Sipas komunikatës për media të Federatës Sindikale, Komuna e Prishtinës bëri të ditur gjatë takimit se pagat do të transferohen në llogaritë bankare të këtyre punëtorëve më së largu deri të hënën, më 3 gusht 2026.
Burim: Lajmi.net
— Redaksia ZHURMA
