Qeveria themelon grupin punues për krerët e UÇK-së në Apel
Ekzekutivi i Kosovës ka miratuar themelimin e një grupi punues për bashkërendimin e mbështetjes për ish-krerët e UÇK-së në Hagë.
Redaksia ZHURMA · · Përditësuar · 1 min lexim
Qeveria e Kosovës ka themeluar Grupin Punues për çështjen e Apelit në Hagë ndaj ish-krerëve të UÇK-së, Hashim Thaçit, Kadri Veselit, Rexhep Selimit dhe Jakup Krasniqit. Vendimi është miratuar me shumicë votash gjatë mbledhjes së Qeverisë.
Kryeministri Albin Kurti bëri të ditur se ky grup do të udhëhiqet nga zëvendëskryeministri i parë, njëherësh ministër i Punëve të Jashtme dhe Diasporës, Glauk Konjufca, dhe do të përfshijë përfaqësim institucional e parlamentar për të bashkërenduar mbështetjen juridike, institucionale dhe diplomatike.
Kurti u shpreh se aktgjykimi i shkallës së parë ndaj ish-krerëve të UÇK-së konsiderohet nga Qeveria i padrejtë juridikisht dhe moralisht, duke sjerrë pasaktësi faktike dhe historike. Sipas tij, për këtë proces nevojitet një strategji shtetërore e kombëtare që i tejkalon dallimet partiake dhe bashkon institucionet rreth një qëllimi të përbashkët.
