PSG mposht Barcelonën në Ligën e Kampionëve

Paris Saint-Germain ka regjistruar një fitore të rëndësishme në shtëpi kundër Barcelonës, duke triumfuar me shifrat 4-2 në kuadër të xhiros së tretë të Ligës së Kampionëve. Kampioni i Francës dominoi takimin dhe kaloi në epërsi në minutën e 38-të, kur sulmuesi francez Desire Doue shënoi një gol të bukur në portën e mbrojtur nga Joan Garcia.

Për paraqitjen e tij mbresëlënëse dhe supergolin e realizuar, Desire Doue u vlerësua me nota të larta dhe u shpall lojtari më i vlerësuar i takimit me notën 9.2. Në krahun e kundërt, mbrojtësi i Barcelonës, Joao Cancelo, pati një paraqitje të vështirë dhe u rendit si lojtari më i dobëti me notën 5.8.

Pas kësaj sfide evropiane, Barcelona pritet të përballet me një tjetër ndeshje të vështirë gjatë fundjavës, ku do të ndeshet me rivalin e përbetuar, Real Madridin.