PSG përballet me krizë penalltish para ndeshjes kundër Barcelonës

Paris Saint-Germain po kalon një periudhë shqetësuese me ekzekutimin e penalltitë para ndeshjes më të rëndësishme të sezonit në Ligën e Kampionëve. Kampioni i Francës do të përballet me Barcelonën në stadiumin “Parc des Princes”, në një takim që nis nga ora 21:00, ku të dyja skuadrat synojnë të përmirësojnë ecurinë e tyre pasi kanë grumbulluar nga gjashtë pikë në fazën e ligës.

Skuadra e drejtuar nga Luis Enrique ka humbur tri nga katër penalltitë e akorduara gjëtë këtij sezoni. Lojtarët Desire Doue, Ferran Torres dhe Ousmane Dembele kanë dështuar nga pika e bardhë, ndërsa Lucas Beraldo mbetet futbollisti i vetëm i parisienëve që ka realizuar në këtë mënyrë. Ky nuk është një problem i ri, pasi edhe gjatë sezonit të kaluar skuadra humbi gjashtë nga 15 penalltitë e ekzekutuara në kohën e rregullt.

Një nga arsyet e kësaj situate lidhet me mungesën e një ekzekutuesi të caktuar, pasi trajneri Luis Enrique preferon një qasje fleksibile duke ua lënë lojtarëve vendimin për marrjen e përgjegjësisë. Megjithatë, pavarësisht dështimeve gjatë kohës së rregullt, statistikat tregojnë se klubi francez ka fituar të gjashta seritë e penalltive që ka zhvilluar gjatë dy viteve të fundit.