Pse protestat mund të rrisin pjesëmarrjen e të rinjve në zgjedhje?
Një vrojtim statistikor tregon se pothuajse gjysma e të rinjve refuzuan dy partitë kryesore në zgjedhjet e fundit në Shqipëri.
TIRANË — Një vrojtim statistikor i udhëhequr nga Eduard Zaloshnja sugjeron se protestat aktuale në vend mund të ndikojnë në rritjen e pjesëmarrjes së të rinjve në zgjedhjet e ardhshme. Studimi i realizuar në prill u financua nga Konrad-Adenauer-Stiftung (KAS) dhe u bazua në një kampion prej 1119 të rriturish në 12 qarqet e vendit.
Sipas rezultateve, në zgjedhjet parlamentare të majit 2025, rreth 34.5% e të rinjve të moshës 18-34 vjeç brenda vendit nuk votuan fare. Ndërkohë, 13.5% e tyre zgjodhën të votonin për nëntë partitë e vogla, duke lënë jashtë dy forcat kryesore politike të vendit.
Ky model ndryshon nga grupmosha 35-85 vjeç, ku vetëm 19% nuk morën pjesë në votime dhe vetëm 9.4% votuan për partitë e vogla. Kjo tregon se rreth 48% e brezit të ri u pozicionuan kundër dy partive kryesore në këto zgjedhje.
Nëse protestat do të nxjerrin një parti të re, gjasat janë që pjesëmarrja e të rinjve brenda vendit të rritet në proceset e ardhshme zgjedhore. Mbetet të shihet nëse ky reagim do të kanalizohet, ndërsa diskutohet se kush fshihet pas protestave në Tiranë.
Burim: Shqiptarja
— Redaksia ZHURMA