Pse Julian Alvarez i reziston presionit të Atleticos për të shkuar te Barcelona?
Sulmuesi argjentinas dëshiron të përmbushë ëndrrën e tij, pavarësisht përpjekjeve të klubit të tij aktual për ta mbajtur.
MADRID — Julian Alvarez mbetet i vendosur të transferohet te Barcelona këtë verë, pavarësisht presionit të madh nga Atletico Madrid. Klubi spanjoll fillimisht reagoi me zemërim pas deklaratës së tij ku shprehte dëshirën për t’u larguar, duke e quajtur atë një ëndërr personale.
Atletico u përpoq ta bindë që të qëndronte, duke argumentuar se nuk mund t’i shitet një rivali të drejtpërdrejtë dhe se ai është pjesë kyçe e projektit të tyre. Megjithatë, sipas gazetës *Mundo Deportivo*, Alvarez nuk ka ndryshuar qëndrim dhe dëshiron të luajë përkrah lojtarëve si Pedri dhe Lamine Yamal nën drejtimin e Hansi Flick.
Transferimi varet nga zgjidhja e ndërlikimeve financiare, por Alvarez beson se Barcelona është klubi ideal për të zhvilluar lojën e tij në një nivel më të lartë.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.