Pse Roony Bardghji mund të largohet nga Barcelona për në Angli?

BARCELONË — Lëvizjet në tregun e transferimeve të Barcelonës janë ngadalësuar për shkak të Kupës së Botës, por klubi katalanas po punon për të finalizuar largimin e disa lojtarëve, përfshirë Roony Bardghjin.

Sulmuesi suedez, 20 vjeç, ka kërkuar të largohet për të pasur më shumë minuta në fushë, pasi në hierarkinë e ekipit ndodhet Lamine Yamal. Barcelona e kupton dëshirën e tij, por i ka bërë të qartë se është i kënaqur me paraqitjet e tij dhe beson se ai mund të ketë një rol të rëndësishëm në të ardhmen e klubit.

Trajneri Hansi Flick ka deklaruar se, nëse Bardghji vendos të qëndrojë, dyert e ekipit janë të hapura për të. Megjithatë, interesi më i madh për të ka ardhur nga Liga Premier, ku Brighton shfaqet si opsioni më konkret. Klubi anglez, i cili më parë kishte huazuar Ansu Fatin, po pret të mësojë të ardhmen e Yankuba Minteh për të hapur rrugën për Bardghjin.

Transferimi mund të realizohet në formën e një shitjeje të plotë, me Barcelonën që do të ruante një klauzolë riblerjeje. Ofertat financiare nga klubet angleze konsiderohen më tërheqëse, ndërsa Stuttgarti, Ajaxi dhe Porto kanë qenë ndër skuadrat e tjera të interesuara. Bardghji dëshiron të zgjedhë një projekt ku do të ketë rol të rëndësishëm.

Brightoni duket se i përshtatet më së miri të gjitha palëve, pasi klubi ka përvojë me lojtarë të Barcelonës dhe ofron mundësinë për të luajtur rregullisht. Largimi i tij do të ishte një humbje për Barcelonën, e cila vlerëson cilësinë dhe aftësinë e tij për të krijuar epërsi në duelet një kundër një.

Burim: Insajderi
— Redaksia ZHURMA