Protestuesi: Universitetet nuk hapen në shtator pa ikjen e Ramës e Berishës
Qytetari u bëri thirrje shqiptarëve të diasporës të mos bëjnë pushime, por të bashkohen me protestuesit në Tiranë.
TIRANË — Një qytetar i pranishëm në protestën kundër qeverisë paralajmëroi se universitetet nuk do të hapen në shtator nëse Edi Rama dhe Sali Berisha nuk largohen nga pushteti. Thirrja u bë teksa protesta kundër kryeministrit vazhdon prej javësh në kryeqytet, me kërkesën qendrore dorëheqjen e qeverisë.
Ai u bëri thirrje të veçantë shqiptarëve të diasporës që të bashkohen me protestuesit. "Shpresoj që Diaspora të vijë. I bëjmë thirrje diasporës që të vijë në këtë shesh," tha ai, duke shtuar se ndryshimi do të vijë jo me dhunë.
"Mos bëni pushime, por t'i përkushtohemi këtij vendi. Mos të bëhemi të dytët në botë që ngelemi pa shtet," tha qytetari, duke iu drejtuar shqiptarëve kudo qofshin. Ai lidhi fatin e vendit me atë të Kosovës: "Pa Shqipëri nuk ka Kosovë."
Në fund të fjalës, ai u bëri thirrje protestuesve të mos e braktisin sheshin: "Nesër më shumë, boshatisni kafenetë dhe ejani këtu. Rama në burg, Berisha në burg," përfundoi ai.
Burim: BalkanWeb
— Redaksia ZHURMA