Prokuroria: Thaçi dha udhëzime kontrolli për Zyrapin
Në Hagë vazhdon faza përfundimtare e gjykimit ndaj Hashim Thaçit dhe të tjerëve për pengim të drejtësisë.
Redaksia ZHURMA · · 1 min lexim
Gjatë seancës përfundimtare në Hagë, Prokuroria e Specializuar theksoi se ish-presidenti Hashim Thaçi bashkë me të akuzuarit e tjerë, përfshirë Bashkim Smakajn, Isni Kilajn, Fadil Fazliun dhe Hajredin Kuçin, po përballen me akuza për tentim të pengimit të drejtësisë. Gjatë kundërpërgjigjeve të palëve, prokurori Joshua Hafetz paraqiti pretendimet se mesazhet e dhëna nga Thaçi gjatë vizitave të muajve shtator dhe tetor të vitit 2023 nuk ishin ndihmëse, por përmbanin udhëzime të drejtpërdrejta për të kontrolluar dëshminë e Bislim Zyrapit para trupit gjykues, veçanërisht në lidhje me Shtabin e Përgjithshëm.
Sipas prokurorisë, transkriptet dëshmojnë se synimi i këtyre udhëzimeve ishte ndihma ndaj vetë të akuzuarit dhe kontrolli i asaj që dëshmitari do të deklaronte ose jo në gjykatë. Për këtë çështje, mbrojtjes së Hashim Thaçit i janë ndarë tridhjetë minuta kohë, ndërsa ekipeve të tjera mbrojtëse u janë dhënë nga pesëmbëdhjetë minuta për të paraqitur qëndrimet e tyre.
