Princi Leka: Kujdesem për djalin dhe Blertën

Princi Leka dhe Princesha Blerta Celibashi Zogu kanë ndarë përvojat e tyre të para si prindër të djalit të tyre, Aleksandrit, në një intervistë për revistën “News Bomb”. Ata kanë folur për emocionet e lindjes, përgjegjësitë e përbashkëta dhe zgjedhjen e emrit të fëmijës.

Princesha Blerta ka përshkruar momentin kur e mbajti për herë të parë djalin në krahë, duke thënë se ndjeu një lumturi të thellë dhe mirënjohje që ai lindi i shëndetshëm. Ajo tha se në atë çast harroi lodhjen dhe frikën, dhe kuptoi se zemra e saj rreh përgjithmonë edhe jashtë trupit të saj.

Princi Leka ka theksuar se nuk ka turp të kujdeset për fëmijën, duke përfshirë ndërrimin e pelenave dhe ta vërë në gjumë, edhe kur Blerta është e disponueshme. Ai ka shtuar se baballarët që nuk e bëjnë këtë po humbasin një nga përvojat më të mrekullueshme të jetës.

Leka ka folur edhe për marrëdhënien me Blertën, duke thënë se ndërsa ajo kujdeset për të voglin, ai kujdeset për të, dhe kënaqet duke parë lidhjen e bukur mes nënës dhe djalit. Çifti ka diskutuar gjithashtu për emrin Aleksandër, duke e lidhur atë me historinë dhe traditën familjare.