Policia Financiare kallëzon Jani Makradulit për keqpërdorim të pozitës zyrtare

Drejtoria e Policisë Financiare ngriti një kallëzim penal kundër Jani Makradulit, ish-drejtor i përgjithshëm dhe kryetar i Bordit Drejtues të SH.A. "Posta e Maqedonisë së Veriut", për keqpërdorim të pozitës dhe autoritetit zyrtar sipas nenit 353 të Kodit Penal. Sipas njoftimit, gjatë periudhës 2021–2022, Makraduli nuk zbati vendimet e Bordit Drejtues për pagesën e detyrimeve monetare ndaj dy kompanive juridike në shumën totale prej 19.292.984 denarësh. Pavarësisht dorëzimit të dokumenteve të nevojshëm, ai nuk nënshkroi marrëveshjen për pagesën, nuk konfirmoi faturat dhe nuk nënshkroi urdhëresat e pagesës. Pasojat e këtyre veprimeve ishin procedurat gjyqësore kundër shoqërisë, të cilat përcaktuan pagesën e kamatës ndëshkuese prej 10.968.483 denarësh.