Policia prangos pas 20 ditësh të dyshuarin për therjen me thikë në Hajvali
I dyshuari u prangos më 5 gusht për ngjarjen e ndodhur më 16 korrik dhe me vendim të prokurorit u dërgua në mbajtje.
PRISHTINË — Policia e Kosovës ka arrestuar një person të dyshuar për një rast të lëndimit të rëndë trupor të ndodhur në Hajvali të Prishtinës. Ngjarja kishte ndodhur më 16 korrik, kur i dyshuari kishte therur me thikë një mashkull kosovar.
Sipas njoftimit zyrtar të policisë, arrestimi i tij u bë më 5 gusht, pas hetimeve të zhvilluara për rastin e lëndimit të rëndë. I dyshuari ngarkohet me akuzën se ka përdorur një thikë për të sulmuar viktimën kosovar.
Pas prangosjes, i dyshuari është intervistuar nga hetuesit në prani të avokatit të tij. Më pas, në konsultim me prokurorin kompetent për këtë çështje, i dyshuari është dërguar në mbajtje të mëtejshme.
Burim: IndeksOnline
— Redaksia ZHURMA