Petrit Merovci emërohet trajner i U-18 të Hamburger SV
Shqiptari 26-vjeçar nga Kosova e rritur në Cuxhaven merr drejtimin e akademisë së njohur gjermane.
HAMBURG — Trajneri shqiptar Petrit Merovci, 26 vjeçar, është emëruar trajner i ekipit U-18 të Hamburger SV, duke bërë një hap të rëndësishëm drejt synimit të tij për të drejtuar një ditë një skuadër në Bundesligë.
Merovci, me prejardhje nga Kosova dhe i rritur në Cuxhaven, nuk pati karrierë të gjatë si futbollist profesionist, por pas studimeve në shkencat sportive ndërtoi rrugën e tij hap pas hapi në futbollin gjerman. Ai ia dedikon suksesin familjes së tij.
"Dua të arrij në Bundesligë", tha Merovci për "Cuxhavener Nachrichten", duke e përshkruar detyrën si trampolinë për të ardhmen. Klubi i Hamburgut është një nga akademitë më të njohura në futbollin gjerman.
Burim: Gazeta Express
— Redaksia ZHURMA