Cilat janë pesë çiftet e reja që kalojnë në fazën 1/16-të të Kupës së Botës?

BOTË — Me përfundimin e fazës së grupeve, Kupa e Botës 2026 hyn në fazën eliminatore ku gabimet nuk falen më. Pesë çifte të reja u konfirmuan pas ndeshjeve të së premtes mbrëma dhe të shtunës në mëngjes, duke plotësuar kështu 16-tën e Kupës së Botës.

Franca dhe Suedia do të përballen në një nga ndeshjet më të pritshme të kësaj faze. Francezët, favoritë kryesore për trofeun, ndeshen me një Suedi që ka treguar organizim dhe karakter gjatë fazës së grupeve. Megjithëse Franca konsiderohet favorite, suedezët kanë dëshmuar se mund t’ua vështirësojnë jetën skuadrave më të mëdha.

Bregu i Fildishtë dhe Norvegjia do të zhvillojnë një duel të balancuar. Afrikanët kanë lënë përshtypje me disiplinën dhe forcën fizike, ndërsa Norvegjia konfirmon statusin e saj si një nga kombëtaret në ngritje. Kjo sfidë pritet të jetë ndër më emocionuese të fazës.

Argjentina, kampione në fuqi, do të përballet me Kepin e Gjelbër, një nga surprizat më të këndshme të këtij Botërori. Kampionët synojnë të vazhdojnë marshimin drejt mbrojtjes së titullit, por kombëtarja afrikane kërkon të shkruajë historinë me një eliminim sensacional të favoritëve. Ndeshja pritet të jetë e ashpër dhe e paparashikueshme.

Gjermania dhe Paraguai, si dhe Australia dhe Egjipti, plotësojnë pesë çiftet e reja të konfirmuara. Tetë ndeshjet e mbetura të fazës së grupeve do të përcaktojnë edhe çiftet e fundit të 1/16-tës. Katër përballjet e para të konfirmuara ishin: Afrika e Jugut–Kanada, Holanda–Maroku, SHBA–Bosnja dhe Hercegovina, dhe Brazili–Japonia.

Kupa e Botës 2026 vazhdon të ofrojë emocione të larta, me skuadra që luftojnë për çdo centimetër në fushë. Faza eliminatore premton futboll të nivelit më të lartë, ku çdo gabim mund të jetë fatal. Kepi i Gjelbër tashmë shkruan historinë si kombëtarja më e vogël që kalon në fazën me eliminim.

Burim: Koha.mk
— Redaksia ZHURMA