Persona të panjohur demolojnë shkollën 'Iliria' në Savrovë
Autorët hynë duke thyer një dritare dhe dëmtuan inventarin; rasti u raportua nga drejtori në orën 07:50.
SUHAREKË — Persona ende të paidentifikuar kanë depërtuar me forcë në objektin e Shkollës Fillore “Iliria” në fshatin Savrovë të Suharekës, ku kanë shkaktuar dëme materiale dhe kanë demoluar ambiente të shkollës.
Rasti është raportuar mëngjesin e 3 gushtit, rreth orës 07:50, nga drejtori i shkollës, Xh.Z., rreth 62 vjeçar. Sipas burimeve, autorët kanë hyrë në objekt duke thyer një dritare, ndërsa brenda kanë shkaktuar dëmtime të shumta në inventar dhe ambiente të shkollës.
Drejtori ka deklaruar se në momentin e raportimit nuk kishte informacion nëse ishte vjedhur ndonjë send, ndërsa vlera e dëmit ende nuk është përcaktuar. Pas njoftimit, policia doli në vendin e ngjarjes, kreu ekzaminimin dhe nisi hetimet. Rasti është iniciuar si “Dëmtim prone”, ndërsa deri tani nuk ka persona të dyshuar.
Burim: Sinjali
— Redaksia ZHURMA
