PDK-ja numëron 80% të votave, Hamza kryeson me 94,154 vota
Si qëndron renditja e 20 kandidatëve më të votuar të PDK-së pas numërimit të 1,963 vendvotimeve?
PRISHTINË — Procesi i numërimit të votave të kandidatëve për deputetë të Partisë Demokratike të Kosovës ka arritur rreth 80 për qind. Nga gjithsej 2,498 vendvotime, procesi është përfunduar në 1,963 prej tyre, sipas të dhënave të deritanishme.
Rezultatet paraprake nuk tregojnë ndryshime të mëdha në renditjen e 20 kandidatëve më të votuar të partisë. Bedri Hamza vazhdon të kryesojë listën me 94,154 vota, i ndjekur nga Përparim Gruda me 58,168 vota dhe Arian Tahiri me 50,313 vota. Tre të parët janë ndarë dukshëm nga pjesa tjetër e listës: Uran Ismaili renditet i katërti me 45,323 vota, ndërsa Sala Jashari mban vendin e pestë me 31,624 vota.
Në pozicionet e fundit të 20-shes hyjnë Artan Behrami me 15,338 vota dhe Blerta Deliu Kodra me 14,999 vota. Diferenca mes vendit të parë dhe të njëzetit tejkalon 79,000 vota.
Burim: Zëri
— Redaksia ZHURMA