Ministrja serbe mori pagë si drejtoreshë e institucionit që vetë e shoi
Ministrja serbe përfitoi rreth 146 mijë euro për 11 vjet si drejtoreshë e Institucionit Farmaceutik Pejë, i cili u shua zyrtarisht në vitin 2021.
PEJË — Snezhana Paunoviq, aktualisht ministre në Qeverinë e Serbisë, vazhdoi të paguhej si drejtoreshë e Institucionit Farmaceutik Pejë në Kosovë edhe pas shuarjes zyrtare të tij në vitin 2021. Ndonëse ky institucion u mbyll me vendim të qeverisë serbe, ajo vazhdoi të merrte pagën si drejtoreshë krahas asaj të deputetes.
Dokumentet e analizuara tregojnë se vetë Paunoviq e kishte dorëzuar kërkesën për fshirjen e institucionit nga regjistri zyrtar. Gjatë 11 vjetëve në krye të këtij institucioni, ajo përfitoi rreth 146 mijë euro nga buxheti i Serbisë, para se të emërohej ministre në vitin 2025.
Burim: Evropa e Lirë
— Redaksia ZHURMA