Parlamenti Studentor proteston para Rektoratit, refuzojnë ftesën e rektorit
Studentët e Universitetit të Prishtinës kanë kërkuar falje nga rektori Arben Hajrullahu për shkak të komunikimit dhe krahasimeve.
Redaksia ZHURMA · · 1 min lexim
Parlamenti Studentor ka organizuar një protestë para Rektoratit të Universitetit të Prishtinës “Hasan Prishtina”, si pasojë e pakënaqësive lidhur me mënyrën e komunikimit të rektorit Arben Hajrullahu. Sipas studentëve, rektori i ka kërcënuar përmes një e-maili, gjë që ka nxitur reagimin e tyre kundërshtues. Gjatë ditës së enjte, ata kanë qëndruar para objektit të Rektoratit, ku më pas rektori ka dalë për t'i ftuar në takim për të dialoguar.
Megjithatë, studentët kanë refuzuar të marrin pjesë në takim pa kërkuar më parë falje për ato që i cilësojnë si kërcënime dhe për krahasimin që Hajrullahu ua ka bërë atyre. «Kërkona njëherë falje, na ke krahasu me regjimin serb», ka qenë reagimi i studentëve ndaj ftesës. Nga ana e tij, rektori ka shprehur se dyert e Rektoratit mbeten gjithmonë të hapura për studentët.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar