Operacioni në mushkëri i Papa Leoni XIV përfundon me sukses
Ndërhyrja kirurgjikale për heqjen e një mase pulmonare te Papa Leoni i XIV ka përfunduar me sukses në spitalin Gemelli në Romë.
Redaksia ZHURMA · · 1 min lexim
Ati i Shenjtë u rikthye në dhomën e tij pasi iu nënshtrua një ndërhyrjeje kirurgjikale në kraharor, e cila zgjati rreth 90 minuta, ndërsa qendrimi në sallën e operacionit ishte afërsisht tri orë. Sipas njoftimeve zyrtare të Vatikanit dhe buletinit mjekësor, procedura u krye sipas planit dhe pa komplikime, duke hequr lobin e poshtëm të mushkërisë së djathtë për të eliminuar plotësisht zonën e prekur nga tumori.
Ekzaminimi i indit të marrë gjatë ndërhyrjes konfirmoi diagnozën e një adenokarcinome pulmonare, e cila ishte dyshuar paraprakisht nga analizat mjekësore. Ekipi i kirurgjisë që drejtoi operacionin përfshinte mjekët Luigi Carbone dhe Stefano Margaritora, të cilët përdorën një teknikë me ndihmën e kamerës për të realizuar prerje të vogla.
Përpara se t'i drejtohej kompleksit spitalor, Ati i Shenjtë u largua nga Vatikani duke përshëndetur të pranishmit, ndërsa në ambientet e spitalit u vendosën masa të posaçme sigurie, përfshirë kontrolle dhe përdorimin e pseudonimeve për mbrojtjen e privatësisë. Kardinali Pietro Parolin deklaroi se pati një bisedë të qetë me Papën mbrëmjen e mëparshme, duke shprehur optimizëm për shërimin e tij.
