Ish-futbollisti Olgert Muka arrestohet për kokainë

DIZHON — Ish-futbollisti i kombëtares shqiptare, Olgert Muka, u arrestua një javë më parë në Dizhon të Francës, i kapur duke shitur kokainë. 46-vjeçari shqiptar, sipas mediave franceze, mbahej prej 10 ditësh nën vëzhgim nga policia dhe u ndalua në parkun Jardin de l'Arquebuse.

Para gjykatës, Muka deklaroi se ishte i detyruar të shiste kokainë për shkak të kushteve të vështira financiare: rreth një vit e gjysmë qëndronte i papunë, pasi ishte shkarkuar nga detyra si trajner, dhe nuk arrinte ta siguronte dot mbajtjen e familjes.

Në karrierë, Muka ka luajtur për Lushnjën, Teutën, Dinamon, Bylisin, Flamurtarin, Partizanin dhe Besën, ndërsa fanellën e kombëtares shqiptare e veshi në dy ndeshje miqësore (2002). Pas tërheqjes nga futbolli, ai kishte nisur karrierën si trajner.

Burim: Klan Kosova
— Redaksia ZHURMA