Oborri Mbretëror kërkon hetim për dhunën ndaj studentëve

Oborri Mbretëror Shqiptar, nëpërmjet Princ Lekës, ka shprehur mbështetje për studentët në të drejtën e tyre për të protestuar, duke kërkuar hetimin e rasteve të dhunës dhe keqtrajtimit ndaj të rinjve dhe të miturve. Institucioni ka bërë thirrje që autoritetet të veprojnë sipas ligjit dhe të sigurojnë llogaridhënie për çdo abuzim të mundshëm me detyrën, ndërsa Policisë së Shtetit i është kërkuar profesionalizëm dhe përmbajtje për të shmangur intimidimin e qytetarëve.

Në njoftimin e publikuar theksohet se dënohen dhuna dhe dëmtimi i pronës private, duke bërë thirrje për qetësi, dialog dhe respektim të të drejtave themelore. Po ashtu, studentët janë inkurajuar t'i përcjellin shqetësimet e tyre edhe tek komuniteti ndërkombëtar, me qëllim që zëri i tyre të dëgjohet dhe realiteti të pasqyrohet me vërtetësi.