Vazhdo leximin
⌕ ☆
Ekonomi

Ndërpriten shërbimet online në bankat kryesore në SHBA

Mijëra klientë në Shtetet e Bashkuara raportuan vështirësi në aksesimin e llogarive dhe kryerjen e transaksioneve bankare.

Redaksia ZHURMA · · 1 min lexim

Mijëra klientë në të gjithë Shtetet e Bashkuara të Amerikës u përballën me vështirësi në aksesimin e shërbimeve bankare online, sipas faqes së internetit Downdetector. Përdoruesit raportuan probleme në institucionet financiare përfshirë JPMorgan Chase, Bank of America, U.S. Bank, Wells Fargo dhe platformën e pagesave Zelle, duke e e pasur të pamundur hyrjen në llogari, kontrollin e gjendjes dhe kryerjen e transaksioneve.

Ndërpriten shërbimet online në bankat kryesore në SHBA
Foto: indeksonline.net

Sipas të dhënave të platformës monitoruese, deri në orën 18:45 GMT u regjistruan mbi 4.600 raportime për Chase dhe mbi 1.500 për Bank of America. Klientët e prekur nga Chase panë mesazhin: «Disa shërbime nuk janë të disponueshme. Po punojmë për t’i rikthyer ato. Ju lutemi, provoni përsëri më vonë». Institucioni konfirmoi ndërprerjen në platformën X dhe këshilloi përdoruesit të provonin sërish, ndërsa CNBC njoftoi se nuk kishte asnjë tregues për sulme kibernetike apo aktorë keqdashës.

Shkaqet e sakta të këtyre ndërprerjeve mbeten të paqarta dhe nuk ka tregues se institucionet e prekura po përballeshin me të njëjtin burim problemi. Pasi Downdetector mbledh raportime të dërguara nga vetë përdoruesit, shifrat e publikuara nuk pasqyrojnë domosdoshmërisht numrin e përgjithshëm të klientëve të prekur.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Magjistralja Vushtrri-Mitrovice Vushtrri–Mitrovicë 25 kamera →

Koleksione · të dhëna të verifikuara

Vazhdo me më të lexuarat sot

Si e bëjmë listën

Përditësuar

  1. Aksidenti në Malin e Zi: Djali i Elvis Mulliqit në gjendje kritike

    33% e leximeve arrijnë 75% të artikullit kronike

  2. Edita Abazi është banorja më e re e Big Brother VIP Kosova 5

    25% e leximeve arrijnë 75% të artikullit kultura

Pyet Zhurmën
Shërbime, enciklopedi dhe lajme