Ndahet nga jeta Dr. Edi Tushe, pediatri që themeloi neonatologjinë shqiptare

TIRANË — Dr. Edi Tushe, pediatër dhe neonatolog i njohur, u nda nga jeta mbrëmjen e së hënës. Lajmi u bë i ditur nga klinika ku ai ushtronte profesionin, përmes një mesazhi lamtumire në rrjetet sociale. “Sot tavolina e tij mbeti bosh. Stetoskopi heshti. Dera nuk do të hapet më”, shkruajnë kolegët.

Për dekada me radhë, Dr. Tushe i qëndroi pranë brezave të tërë të fëmijëve dhe prindërve shqiptarë. Ai u bë emër i dashur dhe i besuar në kujdesin ndaj të porsalindurve dhe fëmijëve, duke fituar respektin e kolegëve dhe mirënjohjen e mijëra familjeve.

Përveç praktikës klinike, ai luajti rol të rëndësishëm në themelimin dhe zhvillimin e shërbimit të neonatologjisë në Shqipëri. Dr. Tushe dha gjithashtu kontribut në formimin e brezave të rinj të mjekëve, duke përcjellë përvojën dhe pasionin e tij ndër vite.

Ndarja e tij nga jeta lë një boshllëk të madh në komunitetin mjekësor shqiptar. Kujtimi dhe vepra e tij do të mbeten të paharruara te kolegët, pacientët dhe të gjithë ata që patën fatin ta njohin.

Burim: ATSH, https://ata.gov.al/2026/06/16/mjekesia-shqiptare-ne-zi-ndahet-nga-jeta-pediatri-dhe-neonatologu-i-njohur-edi-tushe/
— Redaksia ZHURMA