Mungesa e transportit publik në Matkë detyron nxënësit të ecin gjashtë kilometra në këmbë
Banorët e fshatit Matkë përballen me mungesën e transportit urban, ndërsa institucionet ende nuk japin zgjidhje për problemin.
Redaksia ZHURMA · · 2 min lexim
Nxënësit e shkollave të mesme në fshatin Matkë detyrohen të udhëtojnë gjashtë kilometra në këmbë për të ndjekur mësimet për shkak të mungesës së transportit të rregullt publik. Kjo situatë përbën gjithashtu një vështirësi për të punësuaritet e këtij vendbanimi, të cilët mbeten pa autobusë urbanë për në vendet e punës. Kthimi nga turni i dytë paraqet rrezik shtesë, pasi rruga nuk ka ndriçim dhe në të lëvizin qen endacakë.
Kryetari i Bashkësisë Lokale të fshatit Matkë, Pajazit Sinani, thotë se autobusi dikur funksiononte me tri ndërrime nga ora pesë deri në orën 23, por vitin e kaluar u ndërpre një ndërrim dhe tani qarkullon vetëm në dy turne deri në orën katër ose pesë pasdite. Sinani shton se banorët shpesh mbeten në pritje pasi autobusët vijnë rrallë, ndërsa bën thirrje që institucionet t'i marrin parasysh kërkesat e tyre dhe të mos i lënë anash.
Ndërmarrja e Qarkullimit Publik nuk ka kthyer asnjë përgjigje lidhur me këtë situatë të krijuar. Banorët janë ankuar edhe më herët për mungesën e transportit rregullor pa arritur ndonjë zgjidhje. Fshati Matkë shtrihet në komunën e Sarajit dhe numëron afërsisht 460 banorë sipas regjistrimit të fundit.
