Motra e Laurent Krasniqit publikon bisedën e fundit me vëllain: "Të dua përjetë"
Xheneta Krasniqi ka shprehur në rrjetet sociale pjesë të komunikimit të fundit me vëllain e saj, TikTokerin Laurent Krasniqi, para aksidentit të rëndë trafiku që i kushtoi jetën.
Motra e TikTokerit kosovar Laurent Krasniqi, Xheneta, ka publikuar 7 shtator një pjesë të bisedës së tyre të fundit në mesazhe, e cila merr peshë të veçantë pas vdekjes së tij në një aksident të rëndë trafiku. Në shkëmbimin, Laurenti i shkruan motrës: "Ta ha zemrën flm", ndërrsa ajo i përgjigjet: "Mos ta nin" dhe "Kallxom kur te ndreqet". Pasi Laurenti konfirmon se është "ndrequr" dhe se kishte mbetur pa 3G, Xheneta thotë: "Mirë që tu ndreq". Më pas shkëmbejnë mesazhe zanore, pastaj Laurenti shkruan: "U ba" dhe menjëherë pas kësaj: "Të dua përjetë", të shoqëruar me emoji të lotëve. Biseda përfundon me një telefonatë që, sipas pamjes së publikuar nga Xheneta, ka zgjatur 39 sekonda. Kjo publikim vjen pasi humbja e papritur e Laurentit ka lënë dhimbje të madhe te familja, miqtë dhe ndjekësit e tij.