Mitropoliti Anastas i Korçës dënon vrasjen e 20‑vjeçarit Johan Zuko
Imzot Anastasi thotë se jeta është dhuratë e shenjtë dhe kur një i ri vret një tjetër, e gjithë shoqëria qan për të dy.
KORÇË — Pas vrasjes së 20-vjeçarit Johan Zuko, ngjarje e rëndë e ndodhur pasditen e sotme, ka reaguar Mitropoliti Orthodhoks i Korçës, Hirësia e tij imzot Anastasi. Sipas mediave, krimi i rëndë dyshohet se u krye nga shoku i viktimës, Kristjan Sterjo, i cili tashmë është vënë në kërkim nga autoritetet policore.
Përmes një mesazhi sensibilizues pas ngjarjes, krerët fetarë dënuan ashpër përdorimin e dhunës dhe marrjen e jetës njerëzore. Imzot Anastasi theksoi se asnjë konflikt apo zemërim i çastit nuk mund të justifikojë një akt kaq ekstrem, duke shtuar se kur një i ri vret një të ri, e gjithë shoqëria qan për të dy.
Ngjarja ka tronditur opinionin publik në qytetin juglindor, ndërsa strukturat e rendit vijojnë operacionet intensive për kapjen e autorit të dyshuar dhe zbardhjen e plotë të rrethanave të këtij krimi.
Burim: Gazeta Blic
— Redaksia ZHURMA