Si iu drejtua Mickoski Prokurorisë gjatë fjalimit për 24 Majin në Ohër?

OHËR — Kryeministri Hristijan Mickoski deklaroi se durimit po i vjen fundi ndaj pjesës së Prokurorisë që "shpik arsyetime", duke kërkuar reagim më të shpejtë dhe drejtësi për qytetarët.

Në fjalimin e tij me rastin e 24 Majit, Mickoski tha se nuk do të heshtë për gabimet e institucioneve dhe se do të vazhdojë presioni ndaj atyre që, sipas tij, pasurohen në kurriz të qytetarëve. "Duhet ta pranoj se as unë nuk jam plotësisht i kënaqur dhe mendoj se mund të bëhet shumë, shumë më mirë dhe me rezultate shumë më të shpejta", tha ai.

Mickoski u adresua drejtpërdrejtë kritikëve të pushtetit: "Askush të mos mendojë se nuk i dëgjoj britmat e njerëzve që tallen me drejtësinë, që mendojnë se janë të pathyeshëm dhe se e kanë mashtruar drejtësinë. Sot ata janë kritikët më të zëshëm të pushtetit dhe mashtrues të maskuar."

Ai shtoi se "sirtarët e institucioneve mbushen me kallëzime dhe padi për të cilat Prokuroria duhet të veprojë më shpejt" dhe se "nuk hyra në politikë për të shpikur arsyetime, por për të vendosur rend, për të sjellë drejtësi dhe sundim të ligjit."

Mickoski e mbylli me paralajmërimin se "kjo është shansi i fundit i këtij brezi për të krijuar diçka me vlerë që do të mbetet për brezat e ardhshëm."

Burim: TV21
— Redaksia ZHURMA