Pse mërgimtarët mbërrijnë për pushimet verore?
Mijëra kilometra për të pushuar në vendlindje, disa prej tyre kthehen dy herë në vit
Mërgimtarët kanë nisur të mbërrijnë në vendlindje për pushimet verore. TV21 ishte këtë fundjavë në pikën kufitare të Tabanocës, ku takoi shumë bashkatdhetarë që kishin udhëtuar mijëra kilometra për të kaluar pushimet me familjet e tyre. Disa prej tyre thonë se kthehen të paktën dy herë në vit dhe përpiqen t'ua përcjellin edhe fëmijëve lidhjen me vendlindjen.
Një mërgimtar nga Gjermania thotë se jeta atje nuk është aq e lehtë sa mendohet dhe se shumë të rinj krijojnë një perceptim të gabuar për emigrimin. Një tjetër tjetër thotë se ka edhe nga ata që besojnë se diaspora do të ishte më e gatshme të kthehej nëse do të kishte më shumë mundësi dhe një klimë politike më të favorshme në vend.
Ministria e Punëve të Brendshme bëjnë të ditur se fluksi i udhëtarëve në Tabanoc është rritur ndjeshëm gjatë ditëve të fundit. Sipas të dhënave zyrtare, nga mesdita e 16 korrikut deri në mesditën e 18 korrikut, në vend kanë hyrë 11.194 shtetas, ndërsa kanë dalë 4.794.
MPB njofton se në pikën kufitare po punohet me kapacitet të plotë për të përshpejtuar kontrollet policore dhe doganore. Sipas policisë, fundjava e tretë e korrikut ka sjellë një nga flukset më të larta të sezonit veror, ndërsa intensiteti i lëvizjeve pritet të vazhdojë deri në mesin e muajit gusht.
Burim: TV21
— Redaksia ZHURMA