Mbrojtja e Thaçit kundërshton transkriptet dhe fajësinë

Avokatja e Hashim Thaçit, Sophie Menegon, ka kundërshtuar përdorimin e transkripteve nga Prokuroria në rastin për administrimin e drejtësisë në Dhomat e Specializuara të Kosovës. Ajo ka argumentuar se mbrojtja i kundërshton transkriptet në tërësi dhe se fajësia nuk mund të bazohet në to, pasi sipas saj Zyra e Prokurorit të Specializuar nuk e ka përmbushur barrën e provës.

Menegon deklaroi se personat që i kanë bërë transkriptet janë të panjohur dhe mbrojtja nuk e ka pasur mundësinë që t'i marrë në pyetje ata.