Mbrojtja e Kilajt: Provat e ZPS-së nuk janë asgjë më shumë se spekulime

Në seancën e fjalëve përfundimtare në rastin “Thaçi 2”, ekipi mbrojtës i Isni Kilajt ka kundërshtuar pretendimet e Zyrës së Prokurorit të Specializuar, duke theksuar se provat e paraqitura nuk dëshmojnë synimin kriminal të klientit të tyre dhe se ato nuk janë asgjë më shumë se spekulime.

Avokati Ian Edwards ka kërkuar lirimin e Isni Kilajt, duke e cilësuar këtë si verdiktin më të drejtë në këtë çështje dhe duke e quajtur sugjerimin e Prokurorisë për burgim si të pambështetshëm e të papranueshëm. Sipas mbrojtjes, provat e Prokurorisë janë të pabaza dhe nuk kanë gjasa të çojnë në shpalljen fajtor, ndërsa janë ngritur kundërshtime edhe për vlefshmërinë e incizimeve të fshehta e transkripteve të tyre.