Malisheva fiton ndaj Ballkanit me përmbysje të rezultatit
Malisheva e fitoi derbin ndaj Ballkanit me rezultat 2:1, pasi përmbysi epërsinë e mysafirëve.
MALISHEVË — Malisheva ka arritur një fitore të madhe ndaj Ballkanit në ndeshjen e xhiros së shtatë të elitës së futbollit kosovar, duke e përmbysur rezultatin në 2:1.
Ballkani kaloi i pari në epërsi në minutën e 14-të, kur Albin Berisha gjuajti fuqishëm me të majtën nga distanca dhe realizoi për 1:0. Megjithatë, Malisheva u kthye në lojë në pjesën e dytë. Xhemail Ibishi ishte i saktë nga penalltia në minutën e 56-të për të barazuar rezultatin.
Vendimtar ishte Mark Bushaj, i cili vetëm një minutë pasi ishte inkuadruar në lojë, përfitoi nga një tollovi në zonë dhe shënoi për 2:1 në minutën e 88-të. Ky rezultat nuk ndryshoi deri në fund, duke i dhënë Malishevës pikët e plota në stadiumin “Liman Gegaj”.