LVV synon marrëveshje për presidentin për të shmangur zgjedhjet
Anëtari i Lëvizjes Vetëvendosje, Hysen Durmishi, shpreh optimizmin për arritjen e një marrëveshjeje për çështjen e presidentit.
Anëtari i Lëvizjes Vetëvendosje, Hysen Durmishi, është shprehur optimist për arritjen e një zgjidhjeje për çështjen e presidentit. Ai ka theksuar se arritja e një marrëveshjeje për kreun e shtetit është e domosdoshme, në mënyrë që vendi të mos përballet sërish me zgjedhje.
Durmishi deklaroi se shpresojnë që marrëveshja të arrihet sa më shpejt, që të mos shkohet përsëri në zgjedhje. Megjithatë, ai nuk ka bërë të ditur emrat që Lëvizja Vetëvendosje mund t'i ketë propozuar për postin e presidentit dhe as nëse ekziston një dakordim konkret mes palëve. I pyetur për kandidatët e propozuar, ai u përgjigj se nuk e di. Këto deklarata janë bërë pas betimit të tij si anëtar i ri i Lëvizjes Vetëvendosje në Komisionin Qendror të Zgjedhjeve.