Luftëtari i UFC-së Allan Nascimento vdes në moshën 34-vjeçare
U gjet pa shenja jete të hënën në mëngjes, dyshohet atak në zemër gjatë gjumit
BRASIL — Luftëtari brazilian i UFC-së, Allan Nascimento, ka vdekur në moshën 34-vjeçare të hënën në mëngjes, ka konfirmuar organizata. U gjet pa shenja jete, dyshohet se pësoi një atak në zemër gjatë gjumit.
Njoftimi zyrtar i UFC-së thotë se pavarësisht përpjekjeve të ekipit mjekësor që mbërriti në vendngjarje, ai u shpall i vdekur aty. Organizata amerikane shprehu ngushëllimet për familjen, miqtë, bashkëlojtarët dhe të afërmit e sportistit.
Nascimento ishte pjesë e UFC-së që prej vitit 2021 dhe garonte në kategorinë flyweight. Ndeshja e fundit e tij u zhvilloi në qershor, ku humbi me vendim të ndarë ndaj Mitch Raposo. Në total, braziliani mbylli karrierën me 22 fitore dhe 7 humbje në MMA, ndërsa në UFC regjistroi 4 fitore dhe 2 humbje.
Ai ishte pjesë e ekipit të njohur brazilian Chute Boxe, nën drejtimin e trajnerit Diego Lima, dhe kishte stërvitur krah për krah me ish-kampionin e UFC-së, Charles Oliveira, si dhe luftëtarin Elves Brener. Oliveira i bëri një dedikim prekës: "Sot humba një vëlla që loja e luftës ma dha. Faleminderit që ishe gjithmonë pranë meje... Të dua, vëlla. Je një legjendë."
Edhe Brener reagoi: "Faleminderit për këtë rrugëtim të mrekullueshëm, vëlla. Ishe gjithmonë një person i jashtëzakonshëm... Do të të mbaj gjithmonë në zemër, kampion." Ekipi Chute Boxe e përshkroi Nascimenton si "luftëtar, mik, garues të përkushtuar dhe një njeri të jashtëzakonshëm". Pusho në paqe.
Burim: Ora News
— Redaksia ZHURMA
