Lista Guxo tkurret në 2-3 mandate — çfarë e dobësoi partinë e Osmanit?

PRISHTINË — Lista Guxo pritet të sigurojë vetëm dy deri në tre mandate në Kuvendin e Kosovës, sipas numërimit të votave që po i afrohet fundit. Bashkëkryetarja Donika Gërvalla ka performancën më të mirë, duke u renditur e pesta në listën e më të votuarve. Nëse trendi vazhdon, mandate të tjera mund të marrin Blerim Gashi dhe Valon Peci.

Renditja e kandidatëve të tjerë është dukshëm më e ulët: Gashi në vendin e 33-të, Peci i 44-ti, Triera Kasumi-Berisha e 70-ta, Fatos Geci i 77-ti, Haki Huruglica i 79-ti, Pranvera Jusufi-Imeri e 83-ta, Jeton Mehmeti i 86-ti dhe Nazmi Hoxha i 108-ti. Kjo shpërndarje tregon se votat janë përqendruar te pak kandidatë, ndërsa pjesa dërrmuese e listës ka mbetur larg pragut.

Partia u themelua nga Vjosa Osmani, por pas rikthimit të saj në Lidhjen Demokratike të Kosovës, Guxo-së i mungojnë disa emra me të zëshëm si Jeta Statovci, Albena Reshitaj dhe Haxhi Avdyli.

Burim: Vox Kosova, https://voxkosova.com/tkurrja-e-guxo-se-vetem-dy-deri-ne-tre-kandidate-te-listes-guxo-pritet-te-marrin-mandat/
— Redaksia ZHURMA