Lirohen nga paraburgimi Fadil Zogaj dhe Ekrem Selimi

Gjykata ka marrë vendim për ndërprerjen e masës së paraburgimit ndaj Fadil Zogajt dhe Ekrem Selimit, të cilët ishin ndaluar nën dyshimin për sulm ndaj deputetit Fahrush Rexhepi. Të pandehurit dyshohen për veprën penale «Sulmi ndaj personit zyrtar në bashkëkryerje».

Gjykata ka vlerësuar se kanë ndryshuar rrethanat që kishin shërbyer si bazë për caktimin e paraburgimit, pasi protesta ka përfunduar dhe të dy të pandehurit janë marrë në pyetje nga Prokurori i Shtetit. Sipas Gjykatës, këto rrethana bëjnë që të mos ekzistojë më bazë ligjore për vazhdimin e mbajtjes së tyre në paraburgim.

Ndërprerja e paraburgimit nuk nënkupton përfundimin e procedurës penale apo shpalljen e të pandehurve të pafajshëm.