Çfarë tërhoqi vëmendjen te Lila Moss gjatë pushimeve në Athinë?
Modelja 23-vjeçare u shfaq me një kostum të zi Burberry prej 380 eurosh, por detaji më i rëndësishëm ishte sensori për monitorimin e diabetit.
ATHINË — Modelja britanike, Lila Moss, ka ndarë me ndjekësit në Instagram një seri fotografish nga pushimet e saja luksoze në Athinë. Vajza 23-vjeçare e supermodeles Kate Moss u shfaq me një kostum banje të zi të markës Burberry, me një vlerë prej rreth 380 eurosh, i cili vinte në pah linjat e saj.
Në imazhet e publikuara ishte i dukshëm sensori që Lila mban për monitorimin e glukozës, pasi ajo jeton me diabet të tipit 1. Qëndrimi i saj në kryeqytetin grek është shoqëruar me luks, ku çmimet e dhomave në vendin ku po pushon nisin nga rreth 1.800 euro për natë.
Lila, e cila debutoi në pasarelë në vitin 2020 duke hapur sfilatën e Miu Miu, po ndërton me sukses karrierën në modë. Ajo ka bashkëpunuar me marka si Gucci, Fendi dhe YSL Beauty, duke pranuar se shpesh viziton garderobën e së ëmës për të gjetur veshjet e saj të preferuara.
Burim: Telegrafi
— Redaksia ZHURMA