Letra e Brigitte Bardot lë jashtë testamentit bashkëshortin

Një letër private e shkruar nga aktorja franceze Brigitte Bardot ka nxjerrë në pah pakënaqësinë e saj ndaj bashkëshortit Bernard d’Ormale, i cili nuk është përfshirë në testamentin e saj. Në mesazhin e datuar nga viti 2022, ajo shprehej se bashkëshorti e kishte shkatërruar me durim gjatë tre dekadave, duke shtuar se kishte arritur limitin e vuajtjes. Pavarësisht këtyre pakënaqësive të shprehura në letrën e botuar nga gazeta Le Figaro, çifti jetoi së bashku deri në ndarjen nga jeta të aktores në moshën 91-vjeçare.

Pas vdekjes së saj, d’Ormale u detyrua të largohej nga vila në Saint-Tropez, ndërsa pasuria iu la fondacionit për mbrojtjen e kafshëve dhe djalit të aktores, Nicolas-Jacques Charrier. Avokatja e d’Ormale, Aurélie-Caroline Vieugué, vuri në pikëpyetje autenticitetin e dokumentit duke theksuar se mungonte nënshkrimi me margaritë që përdorte zakonisht aktorja dhe se klienti i saj ishte i shkatërruar nga ky publikim. Vetë d’Ormale e cilësoi largimin nga banesa si të padrejtë, ndërsa fondacioni deklaroi se prona i përket organizatës.