Pse s'mjaftojnë 100 milionë euro për Yan Diomanden?
RB Leipzig ka rrëzuar ofertën e Liverpoolit dhe synon çmim deri në 120 milionë euro, me PSG-në të gatshme të futet në garë.
LEIPZIG — RB Leipzig ka refuzuar ofertën e Liverpoolit prej 100 milionë eurosh për mesfushorin Yan Diomande. "The Reds" kishin propozuar 90 milionë euro si bazë plus 10 milionë euro bonuse, por kjo nuk ka mjaftuar për të bindur Leipzigun, i cili nuk është i gatshëm ta shesë lojtarin me kushtet aktuale.
Drejtuesit gjermanë besojnë se Diomande mund të vlejë deri në 120 milionë euro, veçanërisht pas paraqitjeve të tij të shkëlqyera në Kupën e Botës 2026. Leipzig synon të nxjerrë një shumë edhe më të lartë dhe nuk ka ndërmend të bëjë lëshime.
Ndërkohë, Liverpooli nuk heq dorë, por gara pritet të bëhet edhe më e ashpër. Leipzig pret hyrjen e PSG-së dhe klubeve të tjera të mëdha evropiane në negociata — rivalitet ky që, sipas raportimeve, mund ta shtyjë çmimin e Diomandes edhe më lart.
Burim: Klan Kosova
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.