Pse triumfon Leclerci në Çmimin e Madh të Britanisë?
Piloti i Ferrarit fitoi garën e sotme të Formula One, duke marrë fitoren e tij të parë që nga tetori i vitit 2024
— Leclerc triumfoi në Çmimin e Madh të Britanisë së Madhe, duke regjistruar fitoren e tij të parë që nga tetori i vitit 2024 dhe të nëntën në karrierë. Vendin e dytë e zuri piloti britanik i Mercedesit, George Russell, ndërsa në podium u ngjit edhe shoku i skuadrës së Leclercit te Ferrari, Lewis Hamilton. Gara përfundoi nën regjimin e makinës së sigurisë, pasi holandezi Max Verstappen, i cili në atë moment mbante vendin e tretë, doli nga pista disa xhiro para fundit.
Lideri i renditjes së përgjithshme, italiani Kimi Antonelli, që ishte nisur nga pole position dhe kishte fituar garën sprint të së shtunës, e mbylli garën në vendin e 16-të pas problemeve me makinën dhe një dënimi prej pesë sekondash, duke mbetur në fund pa pikë. Antonelli kryeson renditjen me 179 pikë, para Russellit (154) dhe Hamiltonit (147).
Gara e radhës në kalendarin e Formula 1 do të zhvillohet më 19 korrik, për Çmimi i Madh i Belgjikës.
Burim: TV21, https://tv21.tv/leclerc-triumfon-ne-cmimin-e-madh-te-britanise-se-madhe/
— Redaksia ZHURMA