Ku dhe kur mbyll LDK fushatën zgjedhore?
Lumir Abdixhiku fton qytetarët në tubimin përmbyllës të premten në ora 20:00.
PRISHTINË — Kandidati i LDK-së për Kryeministër, Lumir Abdixhiku, ka paralajmëruar tubimin mbyllës të fushatës zgjedhore të partisë. Tubimi do të mbahet të premten në ora 20:00 në Sheshin Skënderbe në Prishtinë.
"Të premten, të gjitha rrugët shpijnë tek Sheshi Skënderbeu. Në Prishtinë mblidhemi të gjithë!", ka shkruar Abdixhiku në një postim, duke shtuar se është "një natë bashkimi, një natë shprese".
Abdixhiku iu drejtua mbështetësve me thirrjen: "Ta mbyllim këtë rrugëtim ashtu siç e kemi nisur — së bashku, me zemër plot e me besim të madh." Fushata zgjedhore përmbyllet para se qytetarët të votojnë më 8 qershor.
Burim: Zëri
— Redaksia ZHURMA