Lala: Veliajt përdor dosjen "2" për të dukur si i persekutuar

Gazetarja Klodiana Lala zbuloi se kryetari i bashkisë së Tiranës, Erion Veliaj, do ta përdorë dosjen e dytë ndaj tij për t’u dukur si i persekutuar në Gjykatën e Strasburgut. Sipas burimeve, hetimet po përqendrohen te transaksionet e kompanisë së vëllait të tij, për të verifikuar nëse ajo ka përfituar tendera nga Bashkia e Tiranës. Gjithashtu, shqyrtohen udhëtimet e Veliajt që nga nisja e detyrës si kryebashkiak, për të zbardhur itineraret dhe personat që e kanë shoqëruar.

Lala deklaroi se Veliaj është përpjekur të ndërtojë alibi për ta nxjerrë veten si të persekutuar politikisht, duke thënë se takimi i ministrit të drejtësisë Toni Gogu me Veliajn në zyrën e drejtorit është një gjë që duket e dyshimtë. Sipas saj, Veliaj do ta përdorë këtë për të përgatitur mbrojtjen e tij për procesin në Strasburg.