Nëntogeri Kushtrim Derguti diplomohet në akademinë ushtarake Sandhurst
Forca e Sigurisë së Kosovës e cilësoi këtë si një sukses të rëndësishëm në profesionalizimin e kuadrove të saj ushtarake.
SANDHURST — Nëntoger Kushtrim Derguti ka diplomuar me sukses në Akademinë Mbretërore Ushtarake Sandhurst në Mbretërinë e Bashkuar, një prej institucioneve më prestigjioze të trajnimit ushtarak në botë. Lajmi u bë i ditur nga Forca e Sigurisë së Kosovës (FSK), e cila e cilësoi këtë si një sukses të ri.
Sipas FSK-së, gjatë këtij rrugëtimi nëntogeri Derguti është përballur me sfida të shumta, duke zhvilluar më tej aftësitë e tij profesionale, lidershipin, disiplinën dhe gatishmërinë për të marrë përgjegjësi të reja në shërbim të vendit.
Diplomimi në Sandhurst shënon përfundimin e një kapitulli të rëndësishëm për nëntogerin dhe fillimin e një përgjegjësie më të madhe ushtarake në shërbim të paqes. Suksesi i tij vjen si pjesë e përpjekjeve të Kosovës për profesionalizimin e vazhdueshëm të forcave të saj ushtarake.
Burim: Ekonomia Online
— Redaksia ZHURMA