Kurti premton pagë mesatare mbi një mijë euro dhe pagë të katërmbëdhjetë

Mandatari për kryeministër, Albin Kurti, gjatë prezantimit të ekspozesë para deputetëve të pranishëm në Kuvend, ka deklaruar se paga mesatare në Kosovë pritet të kalojë mbi 1 mijë euro në muaj. Ai tha se paga minimale prej 500 eurosh nuk do të tatohet, ndërsa me rritjen ekonomike do të vazhdojë edhe rritja e pagave në sektorin publik.

Gjatë prezantimit të programit, Kurti ka paralajmëruar gjithashtu dyfishimin e shtesave për fëmijë, një program prej 1 miliard eurosh për prodhim dhe industri, si dhe pagën e 14-të për punëtorët e sektorit publik. Ai u shpreh se vizioni i qeverisjes së tij mbetet puna për qytetarin dhe mbrojtja për familjen.

Burimet: TV Prizreni; Veriu.info; Drenica Sot; Zëri; Gazeta Blic (klaster 12 outlets).