Vazhdo leximin
⌕ ☆
Politikë

Kurti përdor si shembull MSA-në që dikur e kundërshtonte Vetëvendosja

Kryeministri Albin Kurti e vlerëson Marrëveshjen e Stabilizim-Asociimit, ndërsa në vitin 2015 partia e tij e kishte kundërshtuar ashpër.

Redaksia ZHURMA · · 1 min lexim

Kryeministri Albin Kurti ka përmendur marrëveshjen e parë kontraktuale me Bashkimin Evropian si shembull të suksesit diplomatik. Gjatë një interviste për televizionin francez France 24, ai ka lavdëruar formulën që mundësoi marrëveshjen pavarësisht pesë shteteve mosnjohëse, duke përmendur arritjen e Marrëveshjes së Stabilizim-Asociimit dhe liberalizimin e vizave.

Kurti përdor si shembull MSA-në që dikur e kundërshtonte Vetëvendosja
Foto: demokracia.com

Marrëveshja e Stabilizim-Asociimit ishte nënshkruar në Strasburg më 27 tetor 2015 nga kryeministri i atëhershëm Isa Mustafa dhe ministri Bekim Çollaku, ndërsa më 2 nëntor të po atij viti kishte shkuar për ratifikim në Kuvendin e Kosovës. Atëkohë, Glauk Konjufca, si shef i grupit parlamentar të Vetëvendosjes, e kishte kundërshtuar marrëveshjen duke deklaruar se ajo erdhi për shkak të marrëveshjeve me Serbinë dhe e kishte lidhur çështjen me dialogun dhe statusin e vendit.

Në atë periudhë përplasjesh të mëdha politike, deputetët e Vetëvendosjes bashkë me pjesën tjetër të opozitës ishin larguar nga salla dhe nuk kishin marrë pjesë në votim. Megjithatë, marrëveshja kishte kaluar me 86 vota për, asnjë kundër dhe asnjë abstenim.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Veternik Prishtinë 23 kamera →

Koleksione · të dhëna të verifikuara

Vazhdo me më të lexuarat sot

Përditësuar

  1. E.A. arrestohet në Gjilan për mashtrim me fushatë të rreme

    14% e leximeve arrijnë 75% të artikullit kronike

Reklamë Hijeshi Shqiptare

Për atë diell.

Gravura të vjetra dhe shenja ilire, të shtypura me dorë, me një bojë të vetme. Bluza të gjera (oversize), të bardha ose të zeza.

25 € · S deri XXL · Transport falas në Kosovë, Shqipëri e Maqedoni të Veriut · Pagesa në dorëzim

Të gjitha bluzat
Pyet Zhurmën
Shërbime, enciklopedi dhe lajme