Kur përfundon faza e punimeve në rrugën 'Ferid Murati'?
Projekti, i mbështetur nga Banka Botërore, po asfalton shtigjet e këmbësorëve e biçikletave si pjesë e investimeve të Komunës së Çairit.
ÇAIR — Punimet për rikonstruksionin e rrugës "Ferid Murati" po zhvillohen sipas dinamikës së planifikuar, dhe kjo fazë pritet të përfundojë deri në fund të javës. Pas përfundimit të asfaltimit të njërës anë të shtigjeve për këmbësorë, tani po realizohen përgatitjet për asfaltimin e shtigjeve të biçikletave dhe hapësirave për këmbësorë në pjesën tjetër të rrugës.
Aktivitetet po zhvillohen gjatë pushimit veror, në mënyrë që të minimizohet ndikimi në qarkullimin e përditshëm të qytetarëve. Projekti realizohet me mbështetjen e Bankës Botërore dhe është pjesë e investimeve të Komunës së Çairit.
Investimi synon modernizimin e infrastrukturës rrugore dhe përmirësimin e kushteve të lëvizjes për këmbësorët, çiklistët dhe automjetet.
Burim: Tetova Sot
— Redaksia ZHURMA