Pse kufizohet qarkullimi i automjeteve mbi 20 tonë në autoudhë?
Ministria e Infrastrukturës dhe Transportit njofton kufizim nga ora 11:00 deri në ora 17:30 për shkak të temperaturave të larta
— Temperaturat e larta po mbizotërojnë kanë shkaktuar kufizime të përkohshme në qarkullimin e automjeteve të rënda në autoudhët e Kosovës. Ministria e Infrastrukturës dhe Transportit ka njoftuar se sot, nga ora 11:00 deri në ora 17:30, ndalohet qarkullimi i automjeteve të transportit të mallrave me masë totale mbi 20 tonë në autoudhë.
Sipas ministrisë, kufizimi zbatohet për shkak se temperaturat e parashikuara arrijnë ose tejkalojnë 32 gradë Celsius. Ndërkohë, qarkullimi i këtyre automjeteve në rrugët nacionale, rajonale dhe lidhëse lejohet pa asnjë kufizim.
Nga ky vendim përjashtohen automjetet e organeve të rendit dhe sigurisë publike, shërbimeve emergjente dhe institucioneve shëndetësore. Ministria u ka bërë thirrje operatorëve ekonomikë dhe ngasësve që të respektojnë kufizimin dhe të planifikojnë qarkullimin në përputhje me orarin e përcaktuar.
Burim: Klan Kosova
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.