KRRE rrit çmimet e karburanteve, dizeli kalon 100 denarë litrin

Komisioni Rregullator i Energjetikës, i Shërbimeve të Ujit dhe i Menaxhimit me Mbeturina Komunale (KRRE) i Maqedonisë së Veriut vendosi rritjen e çmimeve të shitjes me pakicë të derivateve të naftës mesatarisht 2,62% në raport me vendimin e 17 gushtit.

Nga ora 00:01 e 25 gushtit, çmimet maksimale janë: benzinë EUROSUPER BS-95 93,00 denarë/litër, EUROSUPER BS-98 95,00 denarë/litër, naftë motori EURODIESEL 101,50 denarë/litër, vaj për djegie EL-1 100,50 denarë/litër, mazut M-1 SU 45,576 denarë/kilogram.

Rritjet specifike: benzinat +1,50 den/l, dizeli +3,50 den/l, vaj i lehtë +2,00 den/l, mazut +1,850 den/kg.

Partia e opozitës LSDM tha se kjo është e katërta rritje brenda një muaji dhe do të sjellë shtrenjtim të ushqimit, transportit dhe shërbimeve, godet buxhetet e familjeve.