Krim familjar në Greqi, shqiptari vret gruan me thikë dhe tenton vetëvrasjen
Një tjetër ngjarje e rëndë ka shënuar në Rodhopi të Greqisë, ku një shtetas shqiptar ka vrarë bashkëshorten e tij dhe më pas ka tentuar t’i japë fund jetës.
Redaksia ZHURMA · · Përditësuar · 1 min lexim
Një ngjarje e rëndë është regjistruar në Rodhopi të Greqisë, ku protagonistë janë shtetas shqiptarë. Një 44-vjeçare është vrarë me thikë nga bashkëshorti i saj pas një sherri banal në prani të tre fëmijëve të tyre, dy të mitur dhe një i rritur.
Në rrethana që ende nuk dihen qartë, autori goditi me thikë bashkëshorten duke e lënë të vdekur në vend. Pas kësaj, ai tentoi të pinte naftë për të vrarë veten. Autori u dërgua në spital ku po kurohet jashtë rrezikut për jetën, ndërsa trupi i viktimës u dërgua në morgun e spitalit.
Autoritetet në vendngjarje sekuestruan thikat që do t'i nënshtrohen ekzaminimeve. Sipas mediave greke, çifti kishte pasur edhe më herët probleme në marrëdhënien e tyre, ku në vitin 2022 në Heraklion të Kretës ishte regjistruar një incident pas të cilit 44-vjeçarja kishte kallëzuar bashkëshortin për kërcënime.
