Krasniqi: Respekti për Hamzën mbetet përtej çdo funksioni
Deputeti i PDK-së falënderon ish-kryetarin Bedri Hamzën pas dorëheqjes, duke theksuar respektin e pandryshuar për të.
Redaksia ZHURMA · · Përditësuar · 1 min lexim
Deputeti i Partisë Demokratike të Kosovës (PDK), Altin Krasniqi, ka reaguar pas dorëheqjes së ish-kryetarit Bedri Hamzës nga pozita e kryetarit të partisë. Përmes një postimi në rrjetet sociale, Krasniqi ka falënderuar Hamzën për besimin, respektin dhe bashkëpunimin gjatë një periudhe të vështirë për partinë. "Faleminderit, Kryetar Bedri Hamza, për besimin, respektin dhe bashkëpunimin e sinqertë. Udhëheqja juaj në një kohë të vështirë i dha PDK-së unitet dhe qëndrueshmëri", ka shkruar Krasniqi.
Ai ka theksuar se respekti për Hamzën mbetet i pandryshuar, pavarësisht largimit të tij nga pozita drejtuese. "Respekti për ju mbetet përtej çdo funksioni. Ju priftë e mbara gjithmonë!", ka përfunduar deputeti.
Siç raportoi Zhurma më 18 tetor, PDK kishte mohuar ekzistencën e një vendimi zyrtar për dorëheqjen e Hamzës, duke thënë se ai do të largohej vetëm kur të hapen zgjedhjet e brendshme. Reagimi i Krasniqit vjen pas njoftimit të Hamzës për dorëheqjen nga drejtimi i partisë.
